Thailand: qeybtii 2aad Kalluumeysato laga siidaayay Somaliya oo ku laabtay dalkooda

14 ka mid ahaa Kalluumeysato u dhashay Dalka Thailand laguna heystay biyaha Soomaaliya ayaa dib ugu laabta dalkooda Thailand.

Dowladda Thailand ayaa sheegtay in 14ka qof laga qaaday Dalka Iraan markii ay ka baxeen Kenya oo ah goobta la geeyay markii laga qaaday Xeebaha Soomaaliya gaar ahanna kuwa Maamulka Puntland.

Wasiirka shaqada iyo shaqaalaha Dowladda Thailand Chatumongkol Sonakul, ayaa sheegay in Ganacsade u dhashay Thailand uu raggaas u gacan geliyay Ganacsade Soomaali ah.

Waxaa uu sheegay in Kalluumeysatada iyo Doomihii ay ku shaqeynayeen uu Ganacsadaha u dhashay Thailand ka iibiyay Ganacsade Soomaali ah oo ku sugnaa Iraan.

Ganacsadaha Thailand u dhashay ee dadkaas iyo Doomahaba iibiyay ayuu Wasiirku sheegay in fadhigiisu yahay Dalka Iraan.

Chatumongkol Sonakul ayaa sheegay in Ganacsadaha dhibbanayaasha ka dhigay Muwaaddiniinta Thailand iyo cidkasta oo ku lug lahayd falkaas la geyn doono sharciga.

Wasiirka ayaa sheegay in 48 qof oo u dhashay THailand dhamaadtood dib ugu laabteen dalkaas markii siyaabo kala duwan looga furdaamiyay Soomaaliya.

You might also like More from author