Soomaaliya oo loo doortay xil muhiim ah urur dalal dhowr ah ku jiraan

Ururka Hay’daha Hantidhawrrada Guud ee Afrika ayaa Guddoomiyaha Golaha Maamulka ee saddexda sano ee socota u doortay Hantidhowraha Guud ee Qaranka Soomaaliya Mudane Maxamed Maxamuud Cali Afgooye.

Ururka ayaa sidoo kale Guddoomiye Ku-xigeen waxay u doorteen Hantidhawraha Guud ee Kenya Marwo Nancy Ganthungu.

Xilkaan oo ah mid wareegto ah ayaa waxaa horay u hayay Hantidhawraha Guud ee udhalatay dalka Siera Leone Marwo Lara Taylor-Pearce.

Ururkaan oo magaciisa oo loosoo gaabiyo AFROSAI-E ayaa waxaa ku midaysan Hantidhawrrada Guud ee dalala Afrika ee ku hadla af-Ingiriiska iyadoo xaruntiisu shaqadu ay tahay dalka Koonfur Afrika. Soomaaliya ayaa xubin firfurcoon ka ah Ururkan kaasi oo Hantidhawrrada Guud ka taageera dhanka horumarinta maamulka iyo shaqada hay’ adaha.

Xafiiska Hantidhawrka Guud ee Qaranka ayaa muddooyinkii danbe hirgaliyay tallaabooyin dib-u-habayn iyo horumarin isugu jira kuwaas oo uu ku mutaystay aqoonsi heer gobol iyo mid caalami ahba. Soomaaliya ayaa labadii sano ee u danbaysay waxa ay soo saaraysay warbixinno baariseed ku salaysan Hannaanka Baarista Caalamiga ee loo yaqaan ISSAIs.

Baaritaannada uu sameeyo XHGQ iyo talo-soojeedinnada la socda ayaa muhiim u ah daah-furnaanta iyo isla-xisaabtanka maamulka maaliyadda dalka iyo hannaanka dayn cafinta.

You might also like More from author