Shirkadda Dahabshiil oo War kasoo saartay Iney Maalgeliso Dagaalka Tukaraq

Shirkadda Dahabshiil ayaa ka jawaabtay eedeyn uu u jeediyay G/guddiga Difaaca ee Baarlamanka Puntland Saadaq Abshir Garaad, Iyagoona ku Tilmaamay Wax laga xumaado,

Maamulaha Shirkadda Dahabshiil qeybteeda Boosaaso Yaasin Beldaaje ayaa ugu baaqay Guddiga anshaxa ee Baarlamanka Puntland in arintaasi Raali galin ka bixiyaan, Xasaanadana laga qaado Xildhibaankaasi.

Wuxuu u sheegay Shacabka Puntland ineysan waxba ka jirin, Taageero iyo Faragalin ay shirkadda Dahabshiil ku leedahay Colaada ka dhaxeysa maamulada Puntland iyo Somaliland.

Sikastaba arrintaan ayaa imaaneysa xilli weli ay taagan tahay xiisadii u dhaxeysay Maamulada Puntland iyo Soomaaliland oo weli ciidaamdooda ay isku-horfadhiayan deegaanka Tukaraq.

You might also like More from author