Maxaa looga hadlay kulankii Kheyre iyo Al Thaani?

Ra’isalwasaaraha Xukuumadda Soomaaliya Xasan Cali Kheyre ayaa Magalaada Dooxa kula kulmay Ra’isalwasaare ku xigeenka dalka Qadar ahna Wasiirka arrimaha dibadda dalkaas Sheekh Mohammed bin Abdulrahman bin Jassim Al Thani.

Kulanka labada mas’uul ayaa ku saabsanaa xoojinta xiriirka labada dal. sidii loo fulin lahaa Mashaariicdii ay Dowladda Qadar ballanqaadday in ay ja hir gelineyso Soomaaliya.

Mashaariicdaas waxaa ka mid ah dhismaha Jidadka Muqdisho ku xira Afgooye iyo Jowhar iyo sidoo kale dhismaha Dekadda Magaalada Hobyo ee Gobolka Mudug.

Safiirka Soomaaliya ee dalka Qadar C/Risaaq Faarax Cali ayaa sheegay in labada Dowladood isku afgarteen sameynta Guddi farsamo oo loo diro qiimeynta Mashaariicdaas iyo fulintoodaba.

You might also like More from author