Madaxweyne Galmudug oo tababar u soo xiray Ciidamo hor leh

Madaxwaynaha Dowlad Goboleedka Galmudug,  Axmed Cabdi Kaariye Qoorqoor, ayaa tababar usoo xiray dufcaddii ugu horreesay ee Ciidamada Booliiska, kuwaasi oo laga kala keenay degmooyinka Maamulka.

Askartan oo muddo laba bilood ah tababarka ku qaadanayay Caasimada Galmudug ee Dhuusamareeb, waxaana ay ka kooban yihiin laba boqol oo askari.

Munaasadda tababarka loogu soo xiray ciidanka waxaa kasoo qeyb galay xildhibaano katirasan dowladda Federaalka ee Soomaaliya, wasiiro ka tirsan Xukuumadda Galmudug, taliyaha qeybta Booliiska guud ee Galmudug, Duqa Dhuusamareeb iyo Saraakiil Ciidan.

Madaxweyne Qoorqoor oo la hadlay Askarta ayaa sheegay in xilli loo baahna ay ku soo aadeen, isaga oo kula dardaarmay in ay ku shaqeeyaan Aqoontii la baray.

You might also like More from author