Diiwaangelinta Musharixiin u tartameysa kuraas lix ah oo Baydhabo ka bilaabaneysa.

Guddiga maamulka doorashada Koonfur Galbeed ayaa lagu wadaa in maanta la Maanta oo Arbaco ah ay diiwaangeliyaan musharrixiin u taagan kuraas lix ah oo deegaan doorashadoodu koowaad tahay Magaalada Baydhabo.

Kadib markii ay Guddiga ay diiwaangeliyaan musharixiinta u tartameysa kuraastaas, waxaa ay qaban doonaan doorashada kuraastaas maalinta khamiista oo beri ah sida qorshaha guddiga uu yahay.

waxaana ay kala yihiin kuraastaas, HOP#275, HOP#230, HOP#183, HOP#178, Hop#050 iyo Kursiga HOP#253.

Kuraastaan 6-da ah ayey Guddiga maamulka doorashada Koofur Galbeed shaaciyeen 28-kii bishaa aan kasoo gudubnay ee febraayo, iyagoo Guddiga wado dardargelinta doorashada Golaha Shacabka ee BFS, maadama lagu madalsan yahay in doorashada lagu soo gabagabeeyo 15 bishaan sida ay ku heshiiyeen Madasha Wadatashiga Qaran.

You might also like More from author