Ciidanka Dowladda Oo Fuliyay Howlgal Lagu Soo Saaray Miinooyin Lagu Aasay Wado

Ciidamada dowladda Federaalka gaar ahaan kuwa Ururka 64-aad ee Ciidanka Xoogga ayaa howlgalo ka dhan ahaa dagaalamayaasha Al-shabaab waxaa ay ka fuliyeen deegaano ka tirsan Gobolka Shabeellaha Hoose ee Maamulka Koonfur Galbeed Soomaaliya.

Ciidamada ayaa howlgalka si gaar ah uga fuliyey tuulooyinka kala ah tabeelaha sagaroole, ramakulow iyo tuulooyin hoostega deegaanka Warmaxan ee Gobolka Shabeellaha Hoose, halkaas oo la sheegay inay ku sugnaayeen Al-shabaab.

Intii uu howlgalka socday ayaa Ciidanka Xoogga waxaa ay ku soo saareen Miinooyiin la sheegay in Al-shabaab ay ku aaseen hareeraha wadada isku xirta War-maxan iyo degmada Wanla-weyn, isla markaana la doonayey in lagu waxyeeleeyo dadka.

Saraakiisha howlgalka hoggaamineysay oo uu ku jiray Taliyaha Ururka 64-aad ee Ciidanka Xoogga ayaa waxaa ay sheegeen in ujeedka howlgalka uu ahaa mid lagu xaqiijinayey amniga deegaano ka tirsan Gobolka.

Si kastaba Ciidamada Xoogga dalka ayaa marar kala duwan oo horey sidaan oo kale waxaa ay howlgalo ka dhan ahaa Al-shabaab, sidoo kalena lagu soo saaray miinooyin uga sameeyeen deegaano iyo degmooyin ka tirsan Gobolka Shabeellaha Hoose oo ah Gobolka ugu amniga xun Koonfur Galbeed.

You might also like More from author