Adam Ducaale oo baaq u diray Madaxweynayaasha Somaliya iyo Kenya

Hoggaamiyaha aqlabiyadda Baarlamaanka dalka Kenya Aadan Barre Ducaale ayaa ugu baaqay Madaxweynayaasha Soomaaliya iyo Kenya in ay dib u eegis ku sameeyaan xiisadda diblomaasiyadeed ee hadda dhex taalla laada dal.

Adam, oo shir jaraa’id warbaahinta ugu qabtay Nairobi ayaa waxaa uu sheegay in xiriirka Kenya iyo Soomaaliya uu ka weynyahay biyo yar oo la isku qabsado.

Waxaa uu sheegay in Kenya ay maalgashatay Soomaaliya soddonkii sano ee la soo dhaafay isaga oo xusay in qaabiladda Qaxootiga iyo taageerada amniga ay Kenya uga dhigan tahay maalgashiga Soomaaliya.

Waxaa uu sidoo kale soo jeediyay in muranka dhinaca Badda ee labada dal ay iyaga kaliya xalliyaan islamarkaana uusan soo faragelin dal saddexaad.

Hadalka dambe ee Adam Barre Ducaale ayaa laga dheehan karaa sida uusan ugu qanacsaneyn dhaq dhaqaaqa dowladda Norway ay ka dhexwaddo Soomaaliya iyo Kenya maaddaama ay iyada tahay dalka gadaal ka riixaya in shirkadahiisa ay shidaal ka soo saaraan badda la isku heysto.

You might also like More from author